اغـ,,ـرب قصة ممكن تسمعها الطفلان علي ويعقوب

ا

اللي في الصورة دول علي ويعقوب، مشهورين بانهم “طفلا نجران السعودي والتركي”.. مالهم عملوا ايه.. قالك يا سيدي.. ان اسرة تركية واسرة سعودية في نجران.. دخلوا يولدوا.. التمريض بدل الاطفال ادى ابن التركي للسعودي.. وابن السعودي للتركي.. الكلام دا سنة 2003…

الاسرة السعودية سمت الولد علي، والاسرة التركية سمت الولد التاني يعقوب، والاسرة التركية خدت ابنهم ومشيوا… الأب التركي يوسف جوجا، لاحظ ان ابنه فيه شيء غريب.. مختلف شكلا عن كل اولاده.. تصرفاته غريبة شوية.. فعمل دي ان إيه.. لقى الولد مش ابنه.. ولا ابن مراته.. رجع تاني ع المستشفى.. بعد 5 سنين من الولادة.. يعني سنة 2008 – 2009..

عملوا حصر بالعائلات اللي ولدت في نفس اليوم.. وتواصلوا مع الاسرة السعودية.. وجات وعملوا الدي ان ايه واكتشفوا الغلطة.. بس هنا فيه مشـ,,ـكلة.. كل عيل فيهم عاش مع الاسرة التانية 5 سنين.. حبوه وحبهم..

السعودية وفرت بيت للراجل التركي جنب بيت الراجل السعودي عشان الاولاد ميفتـ,,ـرقوش.. بس الراجل التركي حابب يعلم ابنه في مدارس تركية ومفيش في نجران..

الغريب ان الام التركية رافـ,,ـضة الابن اللي رجعلها وعايزة الابن اللي ربته.. والابن اللي كان معاها ورجع السعودية بيكلمها في التليفون ويبكي ويقولها ليه مبتحبنيش.. انا ابنك.. والست انـ,,ـهارت.. ومش عارفة تسيب ابنها البيبولوجي.. ولا ابنها اللي ربته..

لدرجة أن عيادات الطب النفسي في السعودية وتركيا بقوا يعرفوا القصة وبيعالجوا كل اطرافها الامهات والابناء والابهات..

كل شوية الراجل التركي، يرجع السعودية، منه عشان يشوف ابنه يعقوب اللي رباه 5 سنين، ومنه عشان ابنه علي يشوف اسرته السعودية اللي ربته 5 سنين.. بس لا دول قادرين يسيبوا الاتنين ولا دول قادرين يسيبوا الاتنين..

يعني تخيل مثلا يجي واحد ويقولي احمد مش ابنك دا جالك بالغلط.. هاته وخد ابنك.. انا مقدرش احمد حتى لو مش ابني بقى حتة من روحي.. ذكرياتنا ومواقفنا.. كل حاجة عملتهاله.. وكل يوم عشته سعيد بسببه.. فالموضوع معقد جدا..

علي اللي اتربي مع الاسرة السعودية، بيعاني من مشـ,,ـكلة فقـ,,ـدان هوية، هو اتربى مع عيلة سعودية، وخلاص هو سعودي، فجأة لقى نفسه تركي، مع ناس ميعرفهمش.. فبيعاني من انه دائم الشرود، وعايش عزلة مستمرة وحنينه للعودة إلى نجران عشان يعيش مع ابوه وامه السعوديين اللي ربوه..

حتى الام التركية مش عارفة تعامل علي زي ما كانت بتعامل يعقوب.. مع ان علي هو ابنها الحقيقي.. واخر خبر قريته سنة 2012.. ان الاب السعودي والاب التركي.. بيفكروا ان كل واحد ياخد ابنه زي ما المستشفى وزعته في الاول بالغلط.. لحد ما العيال يكبروا..

الغريب ان علي دا عشان اتربي في السعودية طلعله شهادة ميلاد سعودي فبيحمل الجنسية السعودية فلما بيروح مع اهله تركيا.. بيروح بتأشيرة زيارة ولازم يجددها كل 3 شهور.. وإلا هيبقى مخالف.. فيروحوا ع سوريا يوم.. ويرجعوا تاني تركيا عشان يبدؤوا 3 شهور من جديد..

بل ان كل طفل فيهم لسه بيحمل اسم ابوه وامه اللي ربوه.. لان الموضوع صعب يتغيرفي الاوراق.. والطفل يعقوب اللي عايش في السعودية مع جواز تركي.. وعايش في السعودية كإنه تركي..

فشفت قصة معقدة اكتر من كدا؟

#بهاء_حجازي