مروان وعائشة كنوز محمود
خرجنا من أوضة ليلى وكانت لابسة شنطتها وجاهزة لأول يوم مدرسة وهي فرحانة مروان كان واقف بره في الصالة وبيستعد علشان ينزل لشغله
حلوة يا بابا
بصلها ورجع لف وشه تاني من غير رد بدأت اتعصب من فعله بس حاولت أهدي نفسي قربت منه واتكلمت بهمس
مروان قولها أي كلمة حلوة دي طفلة!
أنت ليه مش رجعتيها الملجأ لحد دلوقت أنا قولتلك أي امبارح!
أنت ليه مصر تخليني أندم إني قولتلك إن أنا حامل!
بصلي بعصبية
إيه كنت ناوية تخبي على جوزك كمان!
كنت هرد ونمسك في بعض بس ليلى قربت علينا واتكلمت بحماس
بابا تعالى وصلني المدرسة النهاردة أول يوم
أخد موبايله من على الترابيزه ومفاتيح العربية واتكلم ببرود وهو بيفتح الباب
لا أنا مش فاضي خلي عائشة توصلك
استنى يا مروان خدها معاك مينفعش كده
نزل من غير ما يرد علي قفلت الباب بضيق من تصرفاته وبصيت على ليلى لقتها زعلانة حاولت أهدى
شوية وأغطي على غلطة مروان والموقف اللي عمله معاها
معلش يا ليلى بس بابا عنده شغل وهيتأخر أنا هوصلك في طريقي
بصتلي واتكلمت بحزن
ماما هو بابا زعلان مني
اتكلمت بهدوء
لا يا حبيبتي هو بس مشغول
شوية
حاولت أهزر معاها علشان أخرجها
من اللي
هي فيه
يلا بقى
أنت
دلوقت
أولى إبتدائي
وبقيت حد كبير
ابتسمت
شكلي حلو يا مامي
طبعت بوسة على خدها وكملت
زي القمر ياحبيبة قلبي
دخلت لبست وكان لسه بدري على معاد المدرسة جهزت وأخدت مفتاح عربيتي ونزلنا ركبنا ووصلتها المدرسة وأنا اتجهت على شغلي
عدى اليوم من شغل وتعب ومرمطة روحت من الشغل بدري علشان أجيب ليلى من المدرسة روحنا البيت وفضلت تحكيلي عن صحابها الجديدة وأخدت واجب إيه كنت فرحانة على فرحتها مش مصدقة إزاي مروان قادر يمنعني منها ده أنا أموت فيها
أنا مصډومة فيك! أنت مروان اللي أنا حبيته ده أنت كنت پتخاف عليها أكتر مني أي اللي حصل دلوقت
مفيش حاجة حصلت بس إحنا هنبقى مسؤولين من طفل كمان كام شهر وهي مش بنتك ف اهتمي ببنتك أو ابنك اللي جاي أفضل بدل ما أنت مهتمة بحد غريب
غريب! مروان إيه اللي غيرك! دي بنتك ومينفعش كدا أنا مستغربة من تصرفاتك أنت أكتر حد حنين ودايما مش بتزعل ليلى
ليه لما ربنا رزقنا عايز ترجعها تاني هي بيتها هنا مش هناك
خلصت
بصيت له باستغراب فكمل
ليلى بكرة هترجع الملجأ وده آخر كلام عندي
اتكلمت بعصبية وصوت عالي
أنت إيه يا شيخ! معندكش ډم إزاي تعمل كده ف طفلة
صوته بدأ يعلى قصادي
عائشة متعليش صوتك علي وألزمي حدودك معايا
وأنت خليت فيها حدود! أنت بني آدم مستفز ومعندكش رحمة
دموعي بدأت تنزل وسط العصبية بتاعتي حاولت أجمع نفسي واتكلمت بصعوبة
مروان طلقني
بصلي پصدمة
أنت قولتي إيه!
اللي أنت سمعته
قرب مني خطوة وكان وشه بيطلع ڼار من العصبية بص ف عيوني وأنا كذلك بصيت له بعند وتحدي إحنا الاتنين بنكون أسوأ من بعض لما نتعصب
مسك إيدي وضغط عليها
اطلعي بره
سكت ومردتيش بس عيوني كانت عبارة عن شلال دموع شدني من إيدي وخرجني بره الأوضة وقفل الباب لقيت ليلى خرجت
من أوضتها
في إيه يا ماما
بصيت عليها واتكلمت بصعوبة
مفيش حاجة يا حبيبتي ممكن تجيبي مفتاح عربيتي من جوه
هتروحي فين يا ماما في الوقت ده!
اتكلمت بضيق
مخڼوقة وهنزل اتمشى بالعربية شوية
طب هاجي معاك
لا ومتقوليش لمروان إن أنا نازلة
جابتلي المفتاح وطبعا نزلت من وراه لإنه لو عرف هيرفض مشيت وأنا تايهة ومش عارفة أروح فين إزاي مروان يعمل كده أول مرة يبقى بالقسۏة دي طول عمره حنين معايا ده أول مرة يرفع صوته علي بالطريقة دي فضلت أعيط كتير على السلم وبعدها مشيت وركبت العربية شغلتها وبدأت أتحرك وأنا مش عارفة رايحة فين أفتكرت كل حاجة عملها مروان وعصبيتي رجعت تاني زودت سرعة السواقة وأنا مش شايفة قدامي أهدي يا عائشة أهدي هتعملي حاډثة مسمعتش صوت عقلي وبرضو زودت سرعة السواقة أكتر شوية وفقدت سيطرتي على العربية لحد ما لقيتها اتقلبت بيا
عائشة
نزلت
يا بابا
نزلت راحت فين!
معرفش بس هي أخدت مفتاح العربية وقالتلي إنها نازلة
وأنت إزاي متقوليش
اتكلمت بتوتر
ما هي طلبت مني مقولكش
اتكلم بزعيق
وهي علشان قالتلك متقوليش يبقى متجيش تقوليلي! وإزاي تنزل من ورايا دي اټجننت ولا إيه
أنا آسفة
مسك موبايله واتصل بس مكانش في رد
وكمان مش بتردي! ماشي يا عائشة
عدى ربع ساعة وكان بيحاول يتصل ومفيش أي إجابة موبايله رن ورد بسرعة
أنت فين وإزاي تنزلي من غير ما تقوليلي!
صاحبة الموبايل عملت حاډث على الطريق العام وهي دلوقت بين الحياة والمۏت إحنا هننقلها على المستشفى ياريت حضرتك تيجي بسرعة
الراجل اللي كان بيكلمه قفل معاه وهو واقف متجمد مكانه مش مستوعب من الصدمة ودموعه بدأت تنزل ليلى قربت منه وهزت إيده
في إيه يا بابا ماما
كويسة
رد عليها بتوهان
عائشة
سحب مفاتيحه
من
الترابيزه وكمل
ماما
في المستشفى
يا ليلى وإحنا لازم نروحلها بسرعة
اتكلمت بعياط
ماما
قرب منها
متقلقيش ياحبيبتي إن شاء الله هتبقى كويسة علشان خاطري بطلي عياط هي مش بتحب تشوفك كده
